【禁毒領袖學院】｜第三屆禁毒領袖學院啟動禮正式舉行

官方資訊

第三屆「禁毒領袖學院」正式啟動喇～！100名學員(包括80名中學生、20名大學生)同埋導師們、專業顧問喺4月6日齊集「禁毒領袖學院」啟動禮。開幕儀式正式開始，香港青年發展聯盟(YDAHK)主席李培埡頒發委任狀予各位專業顧問及導師，以示「禁毒領袖學院」訓練計劃正式展開。

YDAHK 香港青年發展聯盟主席李培埡致辭時表示，對於去年禁毒宣揚教育成效顯著感到十分鼓舞，亦得知最近學院聯同新西蘭警方代表舉行傳媒分享會，擴大宣揚禁毒訊息既影響力，令佢更加期待新一屆學院既發展同埋「領袖們」既表現。

啟動禮上一班學員睇返今朝參與破冰遊戲既片段都睇到好肉緊，特別係備受挑戰既高空挑戰項目，因為係佢地透過發揮團隊合作精神，並且互相鼓勵下突破自我而完成既任務，真係好欣賞佢地肯踏出自己既舒適圈丫！

而第二屆得獎學員都分享左早前飛到新西蘭同當地禁毒領袖進行交流既經驗同心得，比今屆禁毒領袖學員可以知多D，更加確信參加禁毒領袖學院對佢地黎講意義重大，除左將會成為人生中一個重要既里程碑之外，更能為校園以及身邊既親友帶來正面影響。

十分感謝YDAHK會長陳家成、會董陳家安、梁國成、蔡國俊擔任學院導師，同咁多位學院執行委員會成員、專業顧問、導師，仲有20間參與計畫既中學校長一齊用實際行動支持學院，向著對青少年同社會大眾推廣抗毒信息目標進發～

登入