「蟲」「森」出發環保生態內地交流團正式出發喇！

社會福利對外交流

100位青年用行動支持環保，4月17-18日展開「蟲」「森」出發兩日一夜環保生態內地交流之旅～！活動由香港青年基金會、香港青年發展聯盟主辦，民政及青年事務局及青年發展委員會合辦及贊助2024-25年度「青年內地交流資助計劃」，香港深圳青年總會、九龍樂善堂協辦。

香港青年基金會、香港青年發展聯盟(YDAHK)主席李培埡、秘書長曾寶怡、會董簡偉鋒、王心怡、吳國桓、郭鈞泯出席活動支持。行程第一日我地參觀咗深圳市工業展覽館、深能環保寶安能源生態園，了解先進嘅垃圾焚燒、能源回收技術，學習科技如何支持環境保護，感受一下科技創新嘅魅力。

第二日一齊親親大自然，徒步走訪大雁山森林公園自然教育中心，細心欣賞沿途自然景觀。途中大家都舉起手機，捕捉咗好多昆蟲同自然風光嘅靚相，用攝影記錄美好嘅一刻。

下午嚟到公園附近嘅數字環衛科普教育中心，認識垃圾產生、收運、資源化處理全過程，進一步了解低碳環保理念。除此之外，我地仲一齊用清洗過嘅牛奶盒同其他環保用具製作竹蜻蜓，學習利用環保材料結合藝術，用創意實踐STEM科學～

今次旅途中各位青年嘅攝影作品將會喺5月29-30日於尖沙咀香港文化中心公開展示，大家記得抽時間嚟支持一吓呀！follow活動專頁：蟲森出發 - 環保生態內地交流團，投票選出你嘅心儀作品喇！

#YDA #香港青年基金會 #香港青年發展聯盟

登入