《Let’s Goal》足球運動內地交流團出發喇！
兩日一夜嘅行程非常豐富，首先出發到深圳香港培僑書院龍華信義學校，參觀一吓校園環境同設施。下午隨即進入重頭戲，包括：「青年交流友誼賽」、「足球混合表演賽」同埋「足球挑戰賽：學生聯盟VS標準流浪」。
香港青年基金會、香港青年發展聯盟主席李培埡、第四季度輪值主席蘇偉昇、秘書長曾寶怡、副秘書長劉嘉發、會長兼九龍樂善堂主席、香港流浪足球會主席莫文韜、會長趙鍵瑋、陳家成、關嘉游；會董陳家安、香港流浪足球會總幹事李輝立、副主席何震東、領隊及教練黃展鴻出席活動開球儀式，為呢場令人振奮嘅足球交流友誼賽揭開序幕！
今次活動好開心可以邀請到香港足球代表隊：標準流浪尊程嚟到深圳同一班深港青年踢交流友誼賽，更非常感謝YDAHK各會長、會董代表出賽，同流浪踢咗場精彩無比嘅足球混合表演賽。
一班足球小將為咗爭奪比賽冠軍，大家都使出渾身解數，戰況可以話係非常激烈！其中「全場最佳球員」獎更由香港足球代表隊：標準流浪成員親自選出，呢個MVP仲可以得到由流浪球員親手贈送嘅簽名球衣添！
而交流團行程嚟到第二日，佢地就去咗旭日陽光文體中心同埋Big Chill大丘運動社區。香港青年基金會、香港青年發展聯盟會長莫文韜、陳堅濤、于蓉及會董雲懷萱到場支持，見到同學體驗咗好多唔同種類嘅運動，包括：匹克球、SPEEDQB射擊，仲有同美式足球好相似嘅腰旗橄欖球，睇吓佢地玩得幾投入！
感謝各單位嘅配合，令到交流團計劃得以完滿成功！透過今次交流團活動，讓青少年深入了解內地文化，增進兩地青年之間嘅文化理解同認識，促進兩地青年之間嘅友誼同合作，增強彼此間聯繫同情感。期待未來能為青少年提供更多交流機會！
Follow Us！
IG：www.instagram.com/ydahk_official
Youtube：www.youtube.com/@ydahk
Website：www.ydahk.org
報名