「區區有籃TEEN」|【籃球內地交流計劃】正式啟動！

文娛體育

由民政及青年事務局及青年發展委員會合辦、香港青年基金會(YDF)及香港青年發展聯盟(YDAHK)主辦，2024-25年度「青年內地交流資助計劃」「區區有籃TEEN」籃球內地交流計劃喺7月13日正式啟動！

交流團正式出發前，60位「籃」TEEN已經率先去到慕光英文書院進行「校園體育KOL」迎新日暨團前熱身賽，為黎緊喺7月19-20日深圳兩日一夜體育運動交流團做好準備！

今日活動好高興可以邀請到香港青年發展聯盟會長羅保侃先生為團前熱身賽得獎同學頒發獎狀及獎品，更要感謝前香港男子籃球代表隊成員暨香港青年發展聯盟會董梁國成、正向運動心理專家暨青少年及體育行政學會主席黃馳為「籃」TEEN進行分享，讓佢地可以了解更多正向運動嘅資訊、交流團經驗等等。

雖然天氣十分炎熱，但係都無阻一班「籃」TEEN對籃球嘅熱愛！見到大家都好投入玩破冰遊戲，分組射籃爭取回答有獎問題機會。再喺熱身賽全程投入揮曬汗水，同新認識嘅隊友培養團隊默契，準備黎緊交流友誼賽上同隊友並肩作戰。

登入