「區區有籃TEEN」籃球內地交流團
「區區有籃TEEN」籃球內地交流團
今個夏日暑假，兩日一夜(7月19-20日)嘅籃球內地交流團終於正式出發喇！
60位「籃」TEEN一齊參與由民政及青年事務局及青年發展委員會合辦、香港青年基金會(YDF)及香港青年發展聯盟(YDAHK)主辦，2024-25年度「青年內地交流資助計劃」-「區區有籃TEEN」籃球內地交流團，為本港青年提供深港兩地交流機會。香港青年基金會(YDF)及香港青年發展聯盟(YDAHK)輪值主席莫文韜、關嘉游一早黎到關口陪同同學過關。
今次交流團重點活動就係可以去到以面積達18萬平方米，擁有400米運動場、標準足球場、恆溫游泳館、籃球館、排球/羽毛球館、網球場，乒乓球場、體能訓練中心等等而聞名嘅「深圳香港培僑書院龍華信義學校」同深圳同學仔打返場精彩無比既籃球友誼賽～！！！
香港青年基金會(YDF)及香港青年發展聯盟(YDAHK)主席李培埡、輪值主席關嘉游、副秘書長劉嘉發及會長羅保侃出席開球儀式，為呢場難得嘅籃球友誼賽揭開序幕！
除此之外，籃「TEEN」們仲參觀左校園環境同設施，到訪校園電視台時個個都「哇哇」聲，仲即場扮演下直播主持添～感謝校方為我地安排喺校園飯堂享用美味嘅自助餐午膳，令到一班「籃」TEEN可以活力滿滿參與下午嘅重頭活動。
行程第二日大家去參觀「深圳世界大學生運動會體育中心」，同呢個被譽為「水晶石」嘅運動暨演唱會場館打返張靚卡！下午去到「BigChill大丘運動社區」，親身體驗內地潮流體育運動，包括：腰旗橄欖球、極限飛盤，睇下佢地玩得幾開心！
今次交流團同學仔除以球會友識到新朋友外，了解更多內地文化，YDAHK會繼續以運動培養青少年堅毅、團結合作精神，為青年發展作出更多貢獻。
Follow Us！
IG：www.instagram.com/ydahk_official
Youtube：www.youtube.com/@ydahk
Website：www.ydahk.org
