【活動回顧】第五屆「禁毒領袖學院」正式開鑼
第五屆禁毒領袖學院嘅學員已經喺1月24號順利完成第一次訓練啦！100位充滿能量嘅學生領袖首度同專業導師正式會面。朝早導師同大學學員跟住專業顧問學習「Debriefing Skills」，掌握點樣引導團隊深入反思；下晝就一齊玩破冰遊戲、進行團隊建立，仲了解咗今屆學院嘅活動安排同各種挑戰，現場氣氛超級熱鬧！
大家除咗喺活動中迅速打成一片，更了解到自己作為「禁毒領袖」嘅使命同責任。見到每一位學員同導師都全情投入、享受其中，我哋已經可以預見第五屆活動一定會好精彩！
「禁毒領袖學院」學員已經準備好全力以赴以創意同行動，為社區帶來「毒品咪制」嘅正能量！大家記得密切關注我哋嘅社交平台，支持呢班熱血嘅同學仔呀
