【禁毒領袖學院LION．新加坡交流團】

出發啦！一班「禁毒領袖學院」得獎學員衝上雲霄～大年初四出發去《新加坡交流團》喇～

十位第一屆「禁毒領袖學院」金獎及銀獎得獎學員今次肩負着代表禁毒領袖學院嘅使命，係呢五日四夜行程中，會與新加坡不同團體進行禁毒訊息交流，分享佢地係校園抗毒活動經驗。

「新加坡環球影城 & 內政群英學院 & Triad Trails牛車水」

「禁毒領袖學院」海外交流團第一站即去新加坡既著名景點「新加坡環球影城」，睇下學員們玩機動遊戲玩得幾開心～～！

跟住好榮幸可以安排到學員們參觀於新加坡內政群英學院嘅Home Team Gallery，除咗了解到新加坡內政部嘅不同部門，仲睇到入面好多高科技設施！而且，更難得係可以與當地青年領袖交流抗毒心得！！

下午學員們仲參加左 Triad Trails 嘅導賞團，由Architects Of Life (AOL) 義工帶領學員們參觀歷史 悠久古城 - 牛車水，認識一下新加坡嘅歷史！晚餐更與不同義工分享抗毒見解呢～！

「Appreciation Lunch for Anti-Drug Abuse Advocacy (A3) Network Volunteers & Partners + 夜間野生動物園」

學員出席咗由中央肅毒局(Central Narcotics Bureau)舉辦嘅感謝午宴。喺午宴上，學員向新加坡内政部兼國家發展部政務部長、中央肅毒局局長、社區抗毒領袖進行20分鐘簡報分享，深入講解得獎學員嘅校園抗毒計劃靈感設計及執行經驗。

學員們仲有機會同新加坡不同界別嘅抗毒大使及領袖進行交流，佢哋仲準備紀念品送俾在場嘉賓。

一眾學員完成咗今次交流團嘅重點任務之後，梗係要去chill吓啦～！佢哋即刻就去China Town 買手信，夜晚又去咗夜間野生動物園親親「小動物」呢！