「禁毒領袖學院」• 「同行禁毒」深圳交流團

期待已久既「禁毒領袖學院」大灣區兩日一夜交流活動終於順利完成啦～！

8月18-19日一班「禁毒領袖學院」同學仔精神奕奕出發去到深圳進行禁毒交流活動，整個行程十分豐富！ 包括參觀深圳禁毒教育基地、前海國際會議中心、仲有國內三大高新科技企業：無人機、互聯網及電動車公司。

香港青年發展聯盟執行主席李培埡女士，副主席兼秘書長周燦明，理事兼副秘書長曾寶怡，副主席曾梓浩、吳樹基、趙鍵瑋、蕭燕珍、董彬彬，理事陳家安、陳家成、張日坤、劉嘉發、馮少偉出席活動。

第一日第一站率先出發到深圳禁毒教育基地與深圳青年及禁毒義工進行破冰遊戲及參觀禁毒主題體驗館，深入了解內地既禁毒歷史，聽聽過來人分享～

之後學員係午餐同深圳青年一邊飲茶一邊深入探討多個禁毒議題，例如兩地毒品趨勢分析同跨地禁毒合作。 隨後更去到前海國際會議中心參觀深圳特區40周年建設展覽，了解更多深圳特區發展歷史。

行程中亦安排左學員們去到無人機公司，了解一下無人機的應用。 夜晚仲係海底撈為8月生日既「LION」獅子座同學仔慶生，欣賞變臉表演、拉面表演及生日表演。

黎到第二日行程，學員們開心出發去國內著名電動車公司比亞廸參觀展廳同技術博覽館，臨走前同學仔仲可以試乘汽車體驗添！ 最後一站去到著名互聯網公司騰訊參觀，睇左最新產品及技術、技術互動體驗等：例如AI人面變面，令所有學員都大開眼界！

今次交流團目的係提供機會比香港青年學習一下深圳抗毒文化，促進兩地青年互相了解和合作，同學仔必定獲益良多。 相信佢地一定可以繼續肩負着禁毒領袖學院既使命，以自身交流經驗向朋輩與大眾市民宣揚抗毒訊息。