【大灣區體育共創交流日】

對外交流

香港青年發展聯盟協辦、香港青年基金會支持，由凝動香港體育基金主辦嘅「大灣區體育共創交流日」喺5月18日(六)帶領近80名青少年一齊出發到騰訊深圳總部以及專業無人機生產基地-高巨創新進行參觀交流活動同埋互動體驗。

交流日行程首站率先出發到著名科技企業：騰訊辦公大樓及研發基地，香港青年發展聯盟會長兼秘書長曾寶怡、會長趙鍵瑋、陳家成以及會董陳家安到場一齊參觀交流。感謝騰訊特意安排座談分享環節，更讓大家可以參觀騰訊總部三層運動層。

之後大家去到騰訊籃球場都表現得好興奮，因為佢地可以係籃球場進行互動體驗呀！由深圳當地既籃球教練帶領進行團體傳球遊戲、個人籃球技巧展現等。見到會長、會董們，仲有籃球教練同同學仔打成一片真係好開心呀！

出完一身汗之後，下午行程出發到專業無人機生產基地-高巨創新，同香港青年發展聯盟會長董彬彬一齊參觀人工智能展廳同埋觀賞精彩無比既無人機表演。期間同學仲有機會可以親身體驗無人機對抗競技、試玩下機械臂、嘗試一下機甲聯盟編程體驗活動，睇下佢地幾投入！

黎緊YDA將會安排更多唔同類型嘅大灣區交流團比大家，想知道更多就要留意住我地既FB、IG喇！

#青年 #青年發展 #深圳交流團 #內地交流團

#騰訊 #高巨創新 #無人機 #籃球 #大灣區 #體育運動

登入