5.31【世界無煙日籃球樂繽紛】

文娛體育對外交流

喂！今日咩日子呀？5月31日係世界衞生組織訂定嘅「世界無煙日」呀！

適逢「世界無煙日」，香港海關(C&ED)、香港青年發展聯盟(YDA)與香港青年基金會(YDF)合辦「世界無煙日籃球樂繽紛」活動，藉以宣揚無煙生活信息。

香港青年發展聯盟(YDAHK)首席榮譽主席劉根森出席活動，與YDAHK會長陳家成、莫文韜、關嘉游及會董陳家安、梁國成親身落場支持，代表YDA隊參賽，同香港海關隊打咗一場好精彩嘅友誼賽～！

今次籃球友誼賽仲好榮幸可以邀請到「香港甲一籃球聯賽」現役球員嚟到東蒲胡李名靜體育館獻技，為各位在場嘉賓、青年帶嚟一場十分精彩嘅球賽。

透過舉行青少年3X3籃球友誼賽，讓「區區有籃TEEN」、Customs YES、西九龍青少年保護組、凝動<<邨JUMP!>>學員喺賽場上使出渾身解數，盡情揮灑汗水，同各界青年朋友一齊切磋球技。

幾場分組賽都打得非常緊湊，十分高興冠軍戰係由YDAHK「邨JUMP！」家維魔術師隊與YDAHK「區區有籃TEEN」對戰，最後由香港海關副關長（管制及執法）胡偉軍以及幾位 YDA嘉賓為勝出隊伍頒發獎項，以感謝青年人投入參與今次嘅活動。

而今日活動更特別設有「531投籃互動環節」，邀請參與學校包括：樂善堂余近卿中學、順德聯誼會翁祐中學及救世軍卜維廉中學學生、嘉賓一起聯動，喺場上投籃合共「531」球，並由香港青年發展聯盟首席榮譽主席劉根森投以最後一球，以象徵活動成功完滿舉行。

同場嘉賓更有醫務衞生局及衞生署官員、「Customs YES」管理委員會同埋名譽會長會成員、香港吸煙與健康委員會代表、立法會議員和海關首長級人員參與，藉住今次「世界無煙日籃球樂繽紛」活動，向大眾宣揚同推廣無煙生活信息，為身心健康帶來即時同長遠嘅裨益。

FB：YDAHK 香港青年發展聯盟

IG：www.instagram.com/ydahk_official

Youtube：www.youtube.com/@ydahk

Website：www.ydahk.org

#YDA #YDAHK #香港青年發展聯盟

#531 #世界無煙日 #籃球樂繽紛

#世界無煙日籃球樂繽紛 #香港甲一 #籃球

#區區有籃TEEN #凝動邨JUMP #CustomsYES #西九龍青少年保護組

登入