《投出希望青少年籃球成長計劃》嘉許禮暨訓練日圓滿舉行！

由香港青年基金會(YDF)、香港青年發展聯盟(YDAHK)贊助嘅「投出希望」青少年籃球成長計劃，今日(8月30日)喺賽馬會萬鈞毅智書院順利舉行嘉許禮及特別訓練！恭喜晒所有獲頒發證書嘅學員！

香港青年發展聯盟(YDAHK)輪值主席簡偉鋒、會董梁國成出席支持。輪值主席簡偉鋒為一眾學員頒發證書，肯定大家一直以來嘅努力同進步！頒獎過後，學員即刻投入高強度嘅籃球訓練，喺球場上切磋球技、盡情揮灑汗水，展現出無比嘅拼搏精神同青春活力！

「投出希望」計劃一直以籃球為媒介，陪伴基層及弱勢社群青少年建立正確價值觀同自信。計劃深入天水圍、深水埗及觀塘社區，為基層青少年提供籃球恆常訓練、比賽及多元學習活動；除此之外，學員更到訪內地進行集訓及參觀，擴闊眼界。與此同時，計劃亦設有種子教練培訓課程，讓有意成為教練嘅青少年及社區人士獲得學習同實踐機會。

見到學員由起初嘅青澀，到今日台上接過證書、台下自信打波，真係令人十分感動！衷心感謝各位義教教練一直以嚟嘅用心付出，以及各學員家長同家舍嘅信任與支持。希望各位學員繼續帶住呢份堅毅精神，喺未來嘅人生舞台上繼續發光發熱！

Follow Us！
FB：YDAHK 香港青年發展聯盟
IG：www.instagram.com/ydahk_official
Youtube：www.youtube.com/@ydahk
Website：www.ydahk.org 

#YDA #YDAHK #香港青年發展聯盟
#投出希望 #嘉許禮 #籃球訓練

報名